BR LA UNION – Nagresponde dagiti kameng ti Agoo Municipal Police Station iti report seknan iti insidente ti pammagsol idiay Brgy. San Julian West, Agoo La Union idi malem ti Marso 22, 2026.
Nabigbig ti biktima iti nagan a Denver, agtawen ti 26, baro ken residente ti nasao a barangay bayat a ti suspek ket nabigbig laeng iti nagan a Richard, agtawen 28, baro ken residente ti Brgy. San Julian Norte, Agoo La Union.
Maibasar ti imbestigasyon dagiti otoridad, manarimaan ti panaginom ti nasanger iti suspek ken biktima iti sangwanan ti balay ti maysa a witness idi kellaat a naaddaan dagitoy ti nabara a panagsinnungbat, a nagresulta ti panag-kinnabil ken dimmanon iti punto a nangala ti suspek ti kutsilyo a maipagarop nga inusar na a pinangbagsol iti biktima.
Nagsagaba iti biktima ti pannakadundunor iti kannawan a paset ti tiyan na.
Naiturong ti biktima idiay La Union Medical Center, Brgy. Nazareno, Agoo, La Union para ti naan-anay a pannakataming.
Bayat a naiturong met ti suspek iti ospital para ti pannaka-amiris, kalpasan na, naiturong iti Agoo MPS para ti naan-anay a dokumentasyon ken disposisyon.
Narekobre ti kutsilyo a nausar iti nakapasamakan ti insidente.
Iti agdama, manarimaan pay laeng nga agpapaimbag iti biktima ken awan pay ti napasamak a panagsasarita.
