LA UNION – Dead on arrival iti pagagasan ti maysa a menor de edad idinto a nasugatan ti dua a sabsabali pay kalpasan nga matamaan ti kimat idiay Bauang, La Union.
Nabigbig iti pimmusay a biktima a ni Arnold Lucero Jr, 16, anyos, idinto a dagiti nasugatan ket da Daisy Joy Campus, 29, addan asawa ken Willy Tejada, 32, addan asawa, agpapada a residente ti Barangay Parian Oeste iti nasao nga ili.
Maibasar iti imbestigasyon ti Bauang Police Station, dagiti biktima ket adda iti igid ti karayan idi matamaan dagitoy ti kimat.
Agpapada a nagsagaba ti sugat iti nadumaduma a parte ti bagi dagiti biktina a nagresulta iti dagus nga ipupusay ti menor de edad.
Agtultuloy met a maob-obserbaran iti kasasaad ti dua pay a biktima.
