Pimmusay iti maysa a 38-anyos a lalaki ken lima dagiti nadundunor, pakairamanan iti 5-anyos a babae iti napasamak a mass shooting incident idiay Baltimore, Maryland USA idi Sabado.
Napasamak iti insidente asideg iti Spaulding ken Queensberry Avenues bayat nga agtitipon dagiti tao para iti maysa a crab feed.
Maibasar iti report, nagpasar iti ubing a babae ti tama ti bala partikular iti ima ngem saan a nakaro iti panakadangran na. Bayat a dagiti dadduma pay a nadangran ket nagpasar met ti narabaw a sugat.
Awan pay ti iggem a detalye iti pulisya maipanggep iti suspek wenno motibo ti pammaltog.
Kabayatanna, naparegta iti publiko nga ipakaammo a dagos iti Metro Crime Stoppers dagiti makaammo iti pakabigbigan ti suspek.#
