LA UNION – Agtultuloy iti nairut a panangparmek ti Philippine National Police ditoy La Union iti iligal a droga.
Gaputi dayta, maysa pay nga ili ditoy probinsiya iti nakatuding nga ideklara ti Philippine Drug Enforcement Agency (PDEA) a drug cleared iti sumaganad nga aldaw.
Iti agdama, kinuna ni PCI Daniel Banan, hepe ti Aringay Police Station, nga ur-urayen da laeng iti panagturpos iti second batch dagiti drug personalities a maipas-pasidong iti community-based rehabilitation program, sakbay nga ideklara ti PDEA a drug cleared iti nasao nga ili.
Immuna ti daytoy, naideklara a drug cleared iti amin a barangay idiay Aringay, La Union.
Kabayatanna, pakabuklan a 209 drug surrenderees iti nagturpos idi kalman iti programa a iti Sipag wenno Simula ng Pagbabago idiay Bangar, La Union.
Daytoy ti kinumpirma iti Bombo Radyo La Union ni PCI Bernardo Manzano, hepe iti Bangar Police Station.
Kinuna na a kalpasan ti nasao a programa ket maipasidong dagiti drug personalities iti monitoring kas paset pay laeng iti programa ti gobyerno a mangsiguro iti panagbalbaliw dagitoy.
