LA UNION – Nakedngan a guilty idiay korte dagiti 10 a miyembro ti Aegis Juris fraternity nga adda iti likod ti pannakatay ni Horacio “Atio” Castillo III.
Iti freshman law student ti University of Santo Tomas (UST) ket natay gaputi nakaru a pannakabugbog ti bagi na, iti inaramid nga hazing ti fraternity idi 2017.
Nabigbig dagiti napaneknekan a “guilty beyond reasonable doubt” ti Manila Regional Trial Court Branch 11 nga isuda Marcelino Bagtang Jr, Danielle Hans Matthew Rodrigo, Jose Miguel Salamat, John Robin Ramos, Ralph Trangia, Joshua Joriel Macabali, Oliver John Audrey Onofre, Arvin Rivera Balag, Mhin Wei Chan ken Axel Munro Hipe.
Dagiti 10 nga akusado ket nakedngan ti dusa a reclusion perpetua wenno pannakaibalud ti agingga 40 a tawen.
Binilin pay ti korte nga agbayad dagitoy iti naulila ni Castillo ti P461,800 para iti actual expenses, P75,000 kas civil indemnity, P75,000 kas moral damages ken P75,000 kas exemplary damages.
Iti nasao a kantidad ket mapatungan pay ti interest rate a 6% per annum agingga a maisapinal iti nasao a desisyon ken mabayadan a sibubukel.
Sipud idi Mayo 2018 ket nabaluden dagiti 10 nga akusado idiay Manila City Jail.
