Inrekomendar ti Philippine National Police-Criminal Investigation and Detection Group (PNP-CIDG) sadiay Department of Justice (DOJ) iti panangisayangkat ti evaluation, case build-up, ken preliminary investigation mainaig ti kaso nga Anti-Hazing Act of 2018 kontra kenni Tab Baldwin, sigud a coach ti Ateneo men’s basketball team, ken sangapulo a dadduma pay a miembro ti coaching staff.
Segun kenni Department of the Interior and Local Government Secretary Jonvic Remulla, maibilang a maysa a klase ti hazing iti insayangkat a seawater training dagiti atleta kagiddan a makita ti PNP-CIDG iti prima facie case nnga addaan ti reasonable certainty of conviction kas maibasar kadagiti dokumento, testimonya dagiti testigo, ken dadduma pay nga ebidensya a nagun-od iti imbestigasyon.
Maipagarop a naisayangkat ti seawater training kabayatan ti high tide a kas requisite tapno mairaman ti lineup ni Coach Tab Baldwin iti Ateneo basketball team.
Karaman kadagiti 11 pay a mairekrekomendar a makasoan ket isuda sigud nga Ateneo basketball head coach Tab Baldwin, Grant Dearns, Caesar Vincent Wlumba, Dean Caesar Castaño, Sandro Soriano, Reynaldo Jacinto Jr., Paolo Adevoso, Andrew Salud, John Eric Rueca, Aris Pronce, ken Joel Rapa, nga agpapada nga adda iti lugar iti naaramid ti team-building activity.
