BR LA UNION – Inlawlawag ti Department of Justice a ti panangiyisyu ti ‘subpoena’ ket saan nga awtomatiko a ‘guilty’ ti maysa a respondent iti reklamo.
Segun kenni DOJ Usec. Ian Norman Dato, ti naiyisyu a ‘subpoena’ ket paset iti ‘preliminary investigation stage’ ti panel of prosecutors iti ig-iggaman da a reklamo.
Ditoy kunana a maipaayan ti gundaway dagiti ‘respondents’ tapno sungbatan ti alegasyon a sangsangwen sakbay a naan-anay a maidatag ti kaso.
Maipalagip a binilin ti DOJ da Sen. Robin Padilla, Lt. Col. Jean Robles ken dadduma pay a sumango iti ‘panel of prosecutors’ tapno agsumite ti ‘counter-affidavits’ a kabuyog dagiti ebidensya.
Agpada dagitoy a sumangsango iti reklamo nga ‘obstruction of justice’ seknan iti napasamak a panaglibas ni Sen. Bato Dela Rosa iti implementasyon ti ‘arrest warrant’ ti International Criminal Court.
Intuding ti panel ti panangdengngeg inton Setyembre 25 ken Oktubre 9, alas-dos ti malem idiay Department of Justice.
Ingkaso nga agabsent wenno saan a dumar-ay dagiti respondents iti naituding a panagdengngeg, maibilang daytoy kas ‘waiver’ iti karbengan a makapagpresenta dagiti respondents iti depensa da.
