LA UNION – Umabot iti 10 nga indibidual iti kinemmeg dagiti otoridad kadagiti tallo a nagsisina nga anti-illegal gambling operations ditoy La Union.
Base iti report a naidanon iti Bombo Radyo La Union, dua a misis ken maysa a balo a lola iti nakemmeg iti operasyon ti Agoo Police idiay Barangay San Julian West ti nasao met laeng nga ili, gaputi iligal a sugal a tong-its.
Ditoy met San Fernando City, La Union uppat nga indibidual iti naarestar gaputi sugal a pusoy dos.
Pakaibilangan ditoy iti maysa a 50-anyos a dishwasher ken tallo a babbalasang a pakaibilangan iti 18-anyos a babae nga estudyante.
Agpapada dagitoy a residente ti Barangay Poro ken Barangay Cabaroan, syudad ti San Fernando ngem maysa kadakuada ti nakalibas idi maipatungpal iti operasyon.
Nakakumpiskar dagiti pulis iti maysa a set ti playing cards ken bet money nga umabot iti P380.00
Kabayatanna, iti maikatlo nga operasyon ket impatungpal dagiti otoridad idiay Barangay Pagdalagan Sur Bauang, La Union.
Naka-arestaran iti tallo a tattao kalpasan a maaktuan dagiti pulis nga agto-tong-it dagitoy.
Kabilang kadagiti kinumpiskar ti pulisiya ket iti lamisaan a nausar iti panagsugal, nangisit a t-shirt a nausar a table cloth, playing cards ken iti P1,115.00 bet money iti naduma-duma a denomination.
Nupay kasta, napa-awid met laeng amin dagitoy kalpasan a nagbayad da iti maiyannatop a multa wenno penalty gaputi kaso a panaglabsing iti P.D. 1602
