LA UNION – Aganay 100 seedlings iti fruit bearing trees iti naimula idiay Sitio Apaleng, Old Central, Sudipen, La Union.
Daytoy ket babaen iti panagbibinnulig iti Sudipen Police Station nga indaulwan ni Senior Inspector Allan Alog kas officer-in-charge, kadwa da dagiti sumagmamano nga estudyante manipud Old Central Elementary School ken iti Christian Fellowship International nga indaulwan ni Pastor Lailanie Ann Tilado.
Iti nasao a ganwat ket paset iti agtultuloy a panangsuporta iti programa ti gobyerno a Greening Program nga addaan tarigagay a mangipaay ti pagsayaatan para iti sumarsaruno a henerasyon.
