Naan-anayen a naikkat iti serbisyo dagiti 11 nga Special Action Force wenno SAF personnel a karaman iti moonlighting activity.
Segun kenni Philippine National Police (PNP) Chief Police General Rommel Francisco Marbil, inaprobaran na iti rekomendasyon ti Internal Affairs Service a mangidmiss kenda Police Lieutenant Colonel Joseph Bagsao, Police Executive Master Sergeant Aaron Turano, Police Corporal George Mabuti, Patrolman Roger Valdez, Jr., Police Captain Roy Pleños, Police Captain Dale Andrei Duterte, Police Lieutenant Aaron Tudlong, Police Senior Master Sergeant Edmark Mabini, Police Senior Master Sergeant Albert Gandipon, Police Captain Jesttony Asanion ken Police Lieutenant Michael Misa gapo iti grave misconduct, dishonesty, grave irregularity in the performance of their duties, ken conduct unbecoming of a police officer.
Kabayatanna, ni Police Captain Mark Victor Pineda ket suspendido met iti 31 nga aldaw gapo iti simple neglect of duty ken less grave neglect of duty bayat a napawaywayan met da Police Captain Julius Tacay, Police Chief Master Sergeant Leolito Calasang, ken Police Corporal Rusty Araya gapo iti kinakurang ti ebidensya.
Nangrugi iti kaso da kalpasan a matakuatan a karaman dagiti SAF trooper iti moonlighting kas security ti maysa a Chinese national nga awanan iti proper authorization.
Napaneknekan pay a nagkukuntsabo dagitoy tapno pagpammarangen a nakaduty ti kadwa da ngem napan met gayam nagsideline a kas security escort dagiti Chinese.
