BR LA UNION – Naidatagan ti kaso a corruption ni Department of Health (DOH) Secretary Ted Herbosa ken lima pay nga opisyal ti ahensiya.
Adda pakainaiganna daytoy iti panaggatang da ti P44.6 milyon a balor ti mental health drugs.
Kadwa na a naireklamo da Officer-in-Charge and Director for Supply Chain Management Engr. Dave Masiado, DOH Medical Officer IV Dr. Carmela N. Granada, Timotei Jemma A. Rabe, Tasneem A. Amping, Erwin J. Odpoga, ken Ramon Guiang.
Maibasar iti reklamo, kuwestiyonable ken saan a maiparbeng iti panaggatang ti psychiatric medications iti private civic organization a Rotary Club of Quezon City.
Naamwan a kaadwan kadagiti ginatang da nga agas ket asidegen nga ag-expire.
Idi Enero 30, naawat ni Assistant Secretary of Health for Public Health Service Cluster and Concurrent Director IV Farwa M. Hombre iti direktiba kenni Herbosa a sungbatan iti kadawatan manipud Rotary Club.
Idi Pebrero 11 ket nangiruar ti Department of Order ni Undersecretary of Health Achilles Gerard C. Bravo, a mangi-allocate ti P1,527,686 para iti National Center for Mental Health (NCMHI).
Ngem iti naisayangkat nga inspection ket nadiskubre a saan a kumidkiddaw ti nasao nga ospitall ti anyaman a pondo.
Idi Abril 4 ket kiniddaw ni Herbosa dagiti psychiatric drugs para iti medical mission idi Hunyo 17 ngem awan ti partikular a lugar a nakailanad iti surat.
Dagiti kaso a sangsangwen dagiti opisyal ket iti Grave Misconduct, Conduct Prejudicial to the Best Interest of the Service, ken Violations to the Anti-Graft Law.
Saan pay a nangipaay ti waragawag iti DOH babaen kenni Dr. Albert Domingo agingga a maala da iti kopya ti official a reklamo manipud Ombudsman.
