Nangipila iti Office of the Ombudsman ti 18 counts ti malversation ken 18 counts ti graft iti Sandiganbayan kontra kadagiti innem nga opisyal ti DPWH Region XII ken pito a pribado nga indibidwal mainaig iti maipagarop a ₱491.9-milyon a road right-of-way (RROW) scam idiay General Santos City.
Karaman kadaitoy isuda Regional Director Subair Saro Diron ken sigud nga Assistant Regional Director Laureano B. Suan Jr.
Maibasar iti imbestigasyon ti NBI, maipagarop a nangusar ti nabaliwan a peke a dokumento iti panagbayad para iti 18 parsela ti daga a sakopen ti Digos-Makar National Road.
Segun iti testigo, maipagarop a pinadakkel iti gated ti bayad usar iti appraisal value idi 2009 para kadagiti daga a naala pay idi dekada ’90.
Kabayatanna, imbilin met ti Ombudsman iti panagtakysa ti serbisyo kenni sigud a DPWH Region XII Legal Officer Ansare Mariga Busran.
