Sumangsango ita dagiti 117 Pilipino manipud Makati City Office ti kaso nga adda pakainaiganna ti Data Privacy Act kalpasan a rinaut ti Presidential Anti-Organized Crime Commission (PAOCC) ti mismo nga opisina dagitoy.
Segun iti PAOCC, naamuan dagiti otoridad nga agserserbi kas hub para kadagiti adu nga lending application services ti opisina a manghar-harass pay kadagiti nakautang kadakuada.
Manipud kadagiti 131 a mangmangged nga adda iti sidong ti kustodiya iti PAOCC, 14 ti immanamong nga agtestigo iti korte ken agbalin nga witness dagiti transakyon ti uneg ti hub.
Gapo iti dayta ket maikkatan bileg dagiti sangsangwen a kaso ti 14 a mangmangged bayat a dagiti nabatbati met ket sumango iti piskalya tapno maamwan nu adda ti pagsungbatan dagitoy ti linteg wenno awan.
Kabayatanna, agtalinaed paylaeng ti kustodiya dagiti natiliw ket mapilaan dagitoy ti maiyanatop nga akso bayat nga agtultuloy ti PAOCC ken National Bureau of Investigation (NBI) nga adalen ti posible a koneksyon dagitoy iti Philippine Offshore Gaming Operations (POGO).
