Dumanon ti agingga 118 a Pilipino a biktima ti human trafficking ti naispal manipud kadagiti Southeast Asian scam hubs.
Segun iti Department of Foreign Affairs, agur-uray laengen dagiti biktima ti panagsubli da ditoy pagilian babaen ti tulong ti gobierno ti Pilipinas.
Inlawlawag ti ahensya a kanayon da a nakasagana iti panangipaay ti repatriation assistance kadagiti mabikbiktima a Pilipino.
Awan met sarday iti pannakikoordinar ti ahensya kadagiti otoridad dagiti pagilian a nakaisagmakan dagiti biktima.
Manipud iti nasao a bilang, innem a Pilipino ket manipud idiay Cambodia, 75 idiay Myanmar, 7 idiay Laos, ken 30 idiay Thailand; 14 manipud kadagiti 75 a Pilipino ket naispal idiay Myanmar babaen ti transfer process.
Agtultuloy met ti panawagan ti ahensya kadagiti Pilipino nga adda sadiay ballasiw-taaw kasta met kadagiti pamilya da nga ireport dagiti am-ammo da a na-tra kadagiti scam hubs tapno maipaayan ida ti madagdagos a tulong.
