BR LA UNION – Natalged dagiti 81 a Pinoy seafarers a limmasat idiay Strait of Hormuz.
Segun iti Department of Foreign Affairs (DFA), dagiti nadao nga 81 a Pinoy seafarers ket naglugan ti uppat a barko.
Dagiti barko a pakaibilangan ti MV Western Doncaster, MV Vivian Trader, MV Lyng Trader, ken MV Eva Fuji ket natalged da a naglayag iti nasao a lugar iti baetan ti Hunyo 24 agingga Hulyo 1.
Ti nasao a waragawag ket kasaruno ti timpuar manen a rinnupak iti baetan ti US ken Iran.
Pinagyamanan ti DFA iti papel ti United Nations ken International Maritime Organization (IMO) iti panangsuporta dagiti civilian shipping ken panangiyurnos iti pagakaran dagiti seafarers nga apektado ti riribok.
Babaen iti panagtinnulong ti UN ken IMO ket nakaiyakar da iti aganay 136 a barko ken 2,900 nga seafarers.
