BR LA UNION – Ipatungpal inton Lunes, (oras idiay Amerika), iti baro direktiba ni U.S. President Donald Trump ti Estados Unidos a mangipawil a sumrek idiay Estados Unidos dagiti umili manipud iti 12 a pagilian.
Kabilang ditoy iti Afghanistan, Myanmar, Chad, Congo, Equatorial Guinea, Eritrea, Haiti, Iran, Libya, Somalia, Sudan,ken Yemen.
Idinto a dagiti pito a pagilian a Burundi, Cuba, Laos, Sierra Leone, Togo, Turkmenistan, ken Venezuela ket maaddaan ti limitado a panagserrek.
Segun kenni Trump, nairanta ti nasao nga allagaden a protektaran iti Amerika manipud iti pangta dagiti “gangannaet a terorista,” agsipudta dagiti nasao a pagilian, ket maipagarop nga addaa da ti nalukay a seguridad iti visa, nakapsot a pakabigbigan, ken addaan ti nangato a bilang dagiti visa overstay.
Dinakamat a pangarigan ni Trump iti napasamak nga insidente idiay Boulder, Colorado a maysa nga Egyptian national ti maipagarop a nangibelleng ti gasolina iti grupo dagiti pro-Israel a demonstrador, nupay saan a kabilang iti Egypt kadagiti pagilian a naapektaran ti travel ban.
Mainaig ti daytoy, nangipeksa ti pannakadismaya iti sumagmamano a lider kadagiti pagilian nga apektado.
Dagus met nga immandar ni Chad President Mahamat Idriss Deby Itno nga isardeng ti panangipaay ti visa para kadagiti Amerikano.
