LA UNION – Dead on arrival iti La Union Medical Center ti maysa a barito kalpasan daytoy a madayanggos ti lugan iti national highway a sakopen ti Barangay Namboongan, Sto. Tomas, La Union.
Nabigbig ti pimmusay a biktima a ni Oliver Laron, 12, residente ti nasao a lugar.
Maibasar iti report manipud Sto. Tomas Police aksidente a nadungpar ti biktima babaen iti behikulo a minaneho ni Imelda Tolentino, 51, addan asawa, insturctor ti PIMSAT College idiay Dagupan City, Pangasinan, residente ti 122 Pagal District, San Carlos City, Pangasinan, nga agturturong iti amianan a direskyon.
Gapu iti nakaro a sinagaba a sugat iti bagi na ti biktima ket saanen a naidanon a sibibiag iti pagagasan.
Agtultuloy met ita ti imbestigasyon dagiti otoridad iti nasao nga insidente.
