Dead on arrival iti pagagasan ti maysa a 13 anyos nga estudyante kalpasan a maipagarop a nalmes Brgy Casilagan, Santo Tomas, La Union.
Maibasar iti police blotter ti Sto. Tomas Police Station, agarop alas 5:00 itay agsapa ita nga aldaw May 18, 2022 nasarakan ti biktima babaen iti manong daytoy a nakarukob iti maar-aramid nga bubon iti nasao a lugar
Segun iti kabsat ti biktima, nagturong daytoy idiay taltalon tapno agtiliw ti tukak ngem saanen a nakaawid pay.
Babaen iti tulong dagiti tattao iti lugar ti biktima ket naiturong iti La Unionn Medical Center idiay ili ti Agoo, ngem pimmusayen daytoy kabayatan iti panangtaming ti attending physicial a ni Dr. Pau Estonillo.
