Impaganetget iti kampo ni Sen. Ronald “Bato” Dela Rosa a salsalakniban laeng iti mamanday-linteg dagiti karbengan na isu a saan nga agparparang daitoy iti publiko.
Inlawlawag iti abogado ti senador a ni Atty. Israelito Torreon iti ekslusibo a pannakiuman a kastoy iti rumbeng a panangiladawan iti agdama a sitwasyon ni Dela Rosa.
Binabalaw pay ni Torreon ti P50M reward ken ti panangibilang kenkuana kas “armed and dangerous,” nga arig na kunana ket “shoot-to-kill order.”
Kinarit met ti abogado dagiti mayat a pagsungbaten ni Dela Rosa nga itugot iti saritaan kadagiti lokal a korte, agsipudta agraraira paylaeng met iti Sistema ti hudikatura ditoy Pilipinas.
Laksid iti kalkalpas nga ultimatum iti Philippine National Police (PNP) ken panangidiaya iti gunggona para ti impormasyon nu sadinno iti pakasarakan ti senador ket agtaltalinaed nga awan latta iti “lead” para iti pannakaarestar na.
Ni Senador Ronald “Bato” Dela Rosa ket karaman kadagiti nanaganan kas co-perpetrators ni sigud a Presidente Rodrigo Roa Duterte ti crimes against humanity a sangsangwen na ita sadiay International Criminal Court (ICC), seknan ti implementasyon iti war on drugs idi napalabas nga administrasyon.
