Nakatuding nga ikkan ti pammadayaw ni Presidente Ferdinand Marcos Jr. dagiti 13 nga Overseas Filipino Workers (OFWs) para iti napapateg nga akem ken serbisyo da ditoy pagilian.
Segun kenni Commission on Filipinos Overseas Director Rodrigo Garcia Jr., dagitoy a Pilipino ket makaawat ti Presidential Awards for Overseas Filipinos and Individual Overseas inton Disyembre 11.
Daitoy ti kangatuan a pammadayaw nga ipapaay ti gobierno kadagiti nailasin nga OFWs.
Sumagmamano kadagiti maikkan mmadayaw ket dagiti mangmangged ti medical field a dakkel ti nagbalin a kontribusyon da idi COVID-19 pandemic.
Karaman pay ditoy ti organisasyon ken dua a gangganaet a nangipamatmat ti tulong ken panangtaripato kadagiti Pilipino.
Kasaruno daitoy ket indeklara pay ti gobierno ti bulan ti Disyembre kas Month of Overseas Filipinos para kadagiti Pilipino nga agaawid ditoy pagilian tunggal holiday season – dagitoy ket OFW, seafarer, permanente a residente wenno immigrant idan ti sabali a pagilian.
