LA UNION – Napalubosanen dagiti 13 a turista manipud custodiya ti San Juan Police Station kalpasan a nagbayad dagitoy ti piyansa a P3,000 tunggal maysa.
Daytoy ti kinumpirma ni Police Major Gerardo Macaraeg, agdama a hepe ti pulisiya idiay San Juan, La Union.
Segun kenni Macaraeg, agsubli met laengen dagiti nasao nga indibiduwal ditoy La Union tunggal adda hearing ti kaso iti korte.
Maipalagip a natiliw dagiti turista iti maysa a hotel idiay Barangay Urbiztondo, San Juan idi Hulyo 3 iti insayangkat nga entrapment operation dagiti otoridad gaputi panaglabsing iti border entry control.
Naamwan a ‘pass through’ laeng iti impakada dagiti nasao a turista iti border checkpoint idiay ili ti Rosario ngem nadiskubre a nag-diretso dagitoy iti maysa a hotel iti ili a San Juan.
