Agarup 137,000 nga estudiante iti kolehio ti umawat iti tig-P15,000 cash assistance babaen ti Tulong Dunong Program (TDP) ti gobierno ita a tawen.
Segun kenni House Committee on Higher and Technical Education Vice Chairperson ken Quezon City Representative Marvin Rillo, nasurok a P2 billion ti inlatang ti Kongreso a pondo babaen ti 2025 General Appropriations Act para iti TDP.
Ti TDP ket maysa kadagiti programa ti gobierno a subsidia iti tertiary education tapno matulongan dagiti estudiante nga awanan iti school fees.
Dagiti estudiante iti kolehio, publiko man wenno pribado ket mabalin nga agaplikar iti TDP.
Impaganetget ni Rillo ti kinapateg ti panangtulong kadagiti marigrigat nga estudyante tapno makaturposda.
Ni Rillo ti autor ti linteg kontra iti “no permit, no exam” policy dagiti pribado nga eskuela wenno ti Republic Act 11984 tapno makaeksamen dagiti estudiante uray no saan pay a nabayadan ti matrikula da ken dadduma pay a babayadan ti iskwelaan.
