LA UNION – Dua a rebelde iti sidong ti Milisya ng Bayan CPP-NPA iti boluntaryo a simmuko kadagiti otoridad idiay Sitio Likowan, Brgy. Amtuagan, Tubo, Abra idi July 4, 2021.
Binigbig ni Lieutenant Colonel Sonny E. Gonzales, Commanding Officer ti 71st IB PA, dagiti dua a rebelde iti alias a “Fred” ken “Gino” agpada a miyembro ti Maeng tribe idiay Abra .
Karaman pay nga insuko da iti igam dagitoy a kas ti maysa nga M653 rifle a nakargaan ti 10 rounds of ammunition ken maysa nga M1 Garand rifle nga addaan met ti pito a bala.
Idi Hulyo 3, siyam a sigud a rebelde iti sidong ti Kilusang Larangang Gerilya (KLG)-Ampis manipud Barangay Alangtin, Tubo, Abra iti nagdisnudo a nagsubli iti sidong ti gobyerno.
Dagiti nasao nga indibiduwal ket imprisintar ni Lt. Col. Gonzales kabayatan ti Provincial Peace and Order Council (PPOC) ken Provincial Task Force to End Local Communist Armed Conflict (PTF-ELCAC) meeting idiay Barangay Alangtin.
Bayat nga idi Hunyo 29, 2021 uppat a rebelde a simmuko kadagiti otoridad iti naiprisintar met laeng iti PPOC ken PTF-ELCAC idiay Barangay Alangtin, Tubo, Abra.
Mainaig ti daytoy, maipros-proseso metten dagiti naisumite a dokumento tapno maipaay kadakuada iti financial assistance a kari a tulong ti gobyerno, iti sidong to programa Enhanced Comprehensive Local Integration Program (E-CLIP).
Iti nagsasaruno a panagsuko dagiti rebelde ket paset iti intensive military operations ken epektibo nga implementasyon iti Community Support Program (CSP) ti 71st Infantry Battalion a nakabase idiay Fort Magsaysay, Nueva Ecija.
