Umabot ti 15 a micro small medium enterprises wenno MSMEs manipud ti nadumaduma a sektor ti nakipaset iti seminar maipapan iti “Building Back Better Business via E-commerce and Digital Marketing” nga naangay idiay DTI La Union Training Center.
Ti traning ket paset pay laengti suporta ken panangpapigsa dagiti micro small medium enterprises.
Inbinglay ni founder ti La Union Content Creator a ni Mr Eli Galvez nagserbi kas resource person dagiti ammo na ken expertise na maipapan ti digital marketing ken content development para kadagiti negosyo.
Indatag met dagiti pannakabagi manipud maysa a e wallet company dagiti serbisyoda a business solutions kadagiti negosyante.
Babaen ti aktibidad naparang-ay ti pannaka-awat dagitgi nakipaset no kasanu ti agusar iti social media, mangpataud iti de kalidad a linaon ken mangabrasa iti influencer ken vedio marketing tapno suportaran ti operasyon ti negosyo da.
