Addan iti kustodiya ti Philippine Coast Guard (PCG) dagiti 15 a Filipino survivors ken ti bangkay dagiti dua a natay a tripulante ti M/V Devon Bay kalpasan nga inturn-over ida ti Chinese Coast Guard (CCG).
Maibasar iti statement ti PCG, naala dagiti crew members kalpasan iti naisayangkat a turnover operation iti nagbaetan ti PCG ken CCG nga addaan ti distansia nga 168 nautical miles iti palaud a paset ti Tambobong, Pangasinan.
Innayon da pay a nayakar dagiti Pilipino babaen ti rigid-hull inflatable boats. Saan a makapagdinneket dagiti dua a barko gapu iti kadakkel dagiti dalluyon.
Makikokoordinarda iti agdama kadagiti pamilya dagiti dua a pimmusay tapno maipaayan ida ti naurnos a pannakaitabun.
Manamnama a makasangpet ita nga aldaw ti BRP Teresa Magbanua (MRRV-9701) a nagluganan dagiti 17 a tripulante iti Pier 13 ti Port Area idiay siyudad ti Manila
Impanamnama ti PCG nga agtultuloy iti maisaysayangkat a search and rescue operation kadagiti uppat a mapukpukaw.
Naudi a nasaripatpatan iti M/V Devon cargo iti
kaadayo a 262 kilometro iti laud ti a paset ti Sabangan, Pangasinan, iti agarup alas-8:30 ti rabii ti Huebes ken nagkarga ti iron ore nga agturong kuma idiay Guangdong China.
Kabayatanna, nangidann met ti panagyaman ni PCG spokesperson Captian Neomie Cayabyab iti ahensia ti CCG para ti Humanitarian Assistance tapno masigurado iti pannakamantener ti kinatalged ti biag iti taaw.###
