LA UNION – Mangnamnama ti pulisya ken iti lokal a gobyerno nga agbalinen a drug free ti ili iti Sto. Tomas, La Union.
Kinuna ni SrIns. Crisencio Abella Jr., hepe ti Sto. Tomas Police Station, lima laengen manipud iti 24 a barangay iti masakupanna a lugar iti agtultuloy nga ibal-validate ti Philippine Drug Enforcement Agency tapno maideklaran daytoy kas drug free municipality.
Kabayatanna, agtaltalinaed met a karit iti pulisya a pagdalinaeden a nalinis manipud iti iligal a droga dagiti barangay nga immunan a naideklara kas drug cleared.
