Kinumpirma ni San Fernando City Mayor Herminigildo Dong Gualberto dagiti 17 a high risk
barangays ditoy syudad a pakaipatungpalan ti quarantine control points ken
pakaipatungpalan ti strikto a pannakasurot ti minimum health standards maiyannurot iti
pito pito strategy a tarigagay na a pagbalinen a 0 ti kaso ti covid-19 ditoy syudad.
Kabilang ditoy ti Barangay Catbangen, Sevilla, Tanqui, Lingsat, Dallangayan
Oeste, Carlatan, Parian, Poro, Dallangayan Este, Sagayad, Brgy. 1, Biday, Dalumpinas
Oeste, San Francisco, Pias, Cadaclan ken Pagdaraoan.
Dagitoy a Barangay ket nairekomenda a maipasidong iti granular lockdown by
purok, compound wenno balay nga iti agdama ket mannarimaan dagitoy a
maipaspasidong iti ground assessment iti covid-19 task force ken manamnama a
maipasidong dagitoy ti targeted testing.
Segun kenni San Fernando City Mayor Herminigildo Dong Gualberto, kinumpirma na iti
panagsagana ti syudad iti rekomendasyon a pannakaipasidong daytoy ti GCQ with
restrictions nga iti agdama ket ipapaapruba da pay laeng iti City IATF ken maipasa daytoy
a rekomendasyon iti Office of the Provincial Governor kasaruno ti pannakaipasa daytoy iti
Regional IATF.
Maiyannurot pay laeng daytoy ti rekomendasyon ti City Health Office.
Naobserbaran iti napalabas a dua a lawas ti panagngato ti kaso ti covid-19 ditoy syudad
ket ti makitkita a makaigapu ti daytoy ket local transmission kadagiti pagtaengan ken
workplaces.
Agtultuloy kunana ti panagtataripnong iti Covid-19 task force para ti napaspas nga
aksyon kadagiti barangay ditoy syudad nga addaan ti nasurok 7 ti active cases da.
Iti agdama, adda ti 356 active cases ditoy syudad ti San Fernando kalpasan a mailista ti
52 baro a kaso idi kalman.
