LA UNION – Tiniliw dagiti kameng ti La Union Police Intelligence Branch (LUPIB) ken ti San Juan Police Station iti insayangkat da nga anti gambling operations, iti 17 a tattao manipud iti tallo a barangay idiay San Juan, La Union.
Naipatungpal dagiti uppat nga operasyon idiay Barangay Nadsaag, Ili Norte, ken Ili Sur, idiay San Juan, La Union.
Nasurok met a P2,000 iti pakabuklan a bet money a kinumpiskar dagiti otoridad kadagiti nasao nga operasyon, malaksid laeng dagiti playing cards, mahjong set, ken dadduma pay a gambling paraphernalia.
Kaadwan a naaresto ket misis ken senior citizens.
Dagiti 17 a nakemmeg nga indibiduwal ket sumangsango ita iti kaso a panaglabsing iti P.D. 1602 wenno illegal gambling.
