BR LA UNION – Naipasidong iti orientation seminar ti aganay 178 a benipisyaryo ti “Tulong Panghanapbuhay sa Ating Disadvantaged/Displaced Workers” wenno TUPAD iti Municipal Conference Hall idiay Balaoan, La Union.
Ti nasao a seminar ket indaulwan ni Engr. Nadine Joy S. Concepcion, Balaoan PESO Manager, kabinnulig iti DOLE La Union Field Office.
Nairanta ti aktibidad tapno a maipaka-ammo kadagiti benipisyaryo seknan dagiti pagallagadan ken umiso a panangipatungpal ti trabaho dagiti TUPAD workers.
Kas maiyannurot iti programa, dagiti benipisyaryo ket agtrabaho iti baranggay da iti uneg ti 20 nga aldaw.
Daytoy nga inisyatiba ket panagtungpal iti direktiba ni Presidente Marcos Jr. a tumulong iti pagsayaatan ken pagbiyagan dagiti umili.
