LA UNION – Saan pay laeng nga nasapolan ti bagi ti 18 anyos a baro kalpasan a naiyanod iti karayan idiay Bagulin, La Union.
Nabigbig ti biktima a ni Rodel Dangpilin, residente ti Barangay Alibangsay.
Segun kenni PSI Nestor Wanbe, hepe ti Bagulin Police Station, agtultuloy pay laeng ti panangsapolda iti bagi ti biktima babaen iti koordinasyonda iti Philippine Coast Guard (PSG).
Maipalagip, inyanod iti napegges a danom ti karayan ti biktima idi a napan dagitoy nagdidigos iti falls kadua dagiti kaadalan kagiddan iti panagtudtudo na iti napalabas nga aldaw.
Kabayatan na, nagpalagip met dagiti otoridad a saan nga agdigos iti baybay wenno karayan no adda ti ballaag ti dakes a panawen tapno saan a maisagmak.
