BR LA UNION – Insapublikon ti Professional Regulation Commission (PRC) dagiti 1,954 a pimmasa manipud iti pakabuklan nga 18,370 a nangala ti March 2026 Physicians Licensure Examination.
Segun iti PRC, nairuar ti resulta kalpasan ti uppat nga aldaw nga eksaminasyon iti naduma-duma a testing centers ditoy pagilian.
Mainaig ti daytoy, lima pay nga examinee iti maur-uray gapu iti “final determination of their liabilities under the rules and regulations governing licensure examination,” bayat a maysa met ti maur-uray para iti kanayunan a verification.
Saan pay nga inruar ti PRC iti nagan, iskor, ken pagadalan ti topnotcher agsipudta kabilang kadagiti resulta a maur-uray.
Maikadwa kadagiti top examinees ni Alexis Bernardo Temblique manipud Cagayan State University-Tuguegarao a nakagun-od ti 90.58% nga iskor, kasaruno ni Enrico Jose Pacatang Gomez ti De La Salle Medical and Health Sciences Institute nga addaan ti 89.92%.
Kadagiti pagadalan, umun-una iti Far Eastern University – Dr. Nicanor Reyes Medical Foundation iti kategorya nga addaan ti nasurok 100 examinees ken addaan ti passing rate a 94.83%.
Kabayatanna, iti kategorya nga addaan ti 50–99 examinees, umun-una iti Davao Medical School Foundation nga addaan ti 87.80% passing rate.
Adtoy ti pakabuklan a listaan dagiti pimmasa a makita iti link ti PRC:
Top examinees: https://drive.google.com/file/d/1oOzacOi0vpL6xxMg94I8BBwFQEv79rTm
Full list of successful examinees: https://drive.google.com/file/d/1swZ79RT6qKDKCBQQXwnINnjQVX7NVtHP/view
