BR LA UNION – Nangparnuay ti dackel nga uram iti panag-dinnungpar ti oil tanker ken cargo ship iti kabaybayan idiay England.
Naipatulod dagiti helicopters ken lifeboats manipud kadagiti kaasideg nga ili tapno agresponde iti nasao nga insidente.
Umabot met iti 32 a tattao dagiti nakalasat manipud iti nauram a cargo vessels.
Amin met a crew ti US-flagged Stena Immaculate tanker ket adda iti natalged a kasasaad, kalpasan a dimmungpar da iti Portuguese-flagged container a Solong.
Iti Stena Immaculate ket maysa kadagiti 10 a barko ti US military a maus-usar a panagipatulod ti gasolina tunggal adda riribok ken emergencies.
Naggapo idiay Agioi port ti Greece iti Stena Immaculate bayat a ti Solong ket manipud idiay Grangemouth port ti Scotland ken agturong koma idiay Rotterdam idiay The Netherlands.
Agatiddog ti 600 a kadapan iti Stena Immaculate bayat a ti Solong ket 461 feet ti kaakaba na ken naaramid idi 2005.
Agtultuloy ti panangduktal dagiti otoridad iti makagapo ti insidente ken nu adda nagubo a langis manipud kadagiti nasao a barko.
