BR LA UNION – Natalged amin a Pilipino a tripulante manipud iti pannakaraut iti dua a barko idiay Persian Gulf asideg idiay Strait of Hormuz.
Segun kenni Migrant Workers Secretary Hans Leo Cacdac, manipud iti tallo a barko a naipadamag a natirwan ti projectiles wenno saan a madetermina a banag idiay Persian Gulf, dua kadagitoy ket addaan ti sakay a Pilipino a tripulante.
Ti maysa a barko ket addaan ti 21 a Filipino crew idinto a ti maysa pay a barko ket addaan met ti 17 a Pilipino, nga amin dagitoy ket natalged a naiyakar iti maysa a pantalan.
Ti maysa pay a barko ket Thailand-flagged ship ngem awan ti sakay na a Filipino crew.
Iti agdama, segun iti sekretaryo, imon-monitor da iti pakabuklan a 7,313 Pilipino a tripulante a naglugan kadagiti nasao a barko asideg ken iti aglawlaw ti conflict areas idiay Middle East.
Kinuna na pay nga amin a Filipino crew members ket natalged ken accounted, malaksid laeng iti maysa a Pilipino a tripulante a naipadamag a mapukpukaw kalpasan a tamaan ti missile iti tugboat bayat nga aglaylayag tapno tulungan iti distressed vessel idiay Strait of Hormuz.
