Tiniliw dagiti kameng ti Agoo Police ti dua a menor de edad iti naisayangkat a entrapment operation idiay Barangay Consolacion, Agoo, La Union.
Dagiti suspek ket agpada a 16 anyos, a residente ti Barangay San Miguel ken Barangay Ambitacay, a nagilako ti motorsiklo a carnap.
Maibasar iti nakalap nga impormasyon ti Bombo Radyo La Union maipud iti Agoo Police, napukaw ti nasao a motorsiklo idi May 13.
Naamaun a nagturong ni Mark Joseph Maramba, 30, kameng ti BFP ken residente ti Barangay Sta. Monica idiay ili ti Agoo kalpasan na a naamuan a mailako ti motorsiklo daytoy a napukaw.
Nabigbig met ti gimmatang ti motorsiklo a ni Brent Anthony, 21, residente ti Barangay San Nicolas East iti nasao nga ili.
Segun kadagiti otoridad, nag meet up da kadagiti suspek no sadino ket ditoy da metten a tiniliw dagiti suspek kalpasan a naginnawat dagitoy iti kuarta.
Kabayatan na, maur-uray ita no sadino ti pakaikutodiayan kadagiti suspek agsipudta agpada dagitoy a menor de edad.
