LA UNION – Isagsaganan dagiti otoridad ti kaso kontra iti dua nga Aprikano a naaresto gapu iti maipagarup a panaglakoda iti iligal a droga idiay Barangay Cabaroan, syudad ti San Fernando, La Union.
Nabigbig dagiti suspek nga isuda Mohamed Ahmed a taga-Sudan; ken Mahamat Abdallah ti Chad Republic, agpada a 26-anyos ken physical therapy students nga agad-adal idiay syudad.
Naammuan ti Bombo Radyo manipud iti San Fernando City Police, tallo a sachet a naglaon iti maatap a marijuana ken buy-bust money iti nakompiskar manipud kadagiti nasao a ganganaet.
Dagiti suspek ket nakabalud ita idiay opisina ti Philippine Drug Enforcement Agency.
Malaksid iti panangidatag ti kaso a panaglabsing iti Comprehensive on Dangerous Drugs Act, ket makikikoordidar met ti pulisya iti opisina ti Bureau of Immigration tapno maammuan ti dadduma pay nga impormasyon maipapan kadagiti natiliw nga Aprikano.
