LA UNION – Naidatagen idiay piskalya ti kaso a panaglabsing iti Comprehensive on Dangerous Drugs Act kontra iti dua a lallaki a maipagarup a naglako iti droga idiay Barangay Canaoay, syudad ti San Fernando, La Union.
Nabigbig dagiti suspek nga isuda Jerry Estocapio, 52, ken Edgar Estocapio, 39, agpada a residente iti Barangay Bungro ti syudad.
Naammuan ti Bombo Radyo manipud ti San Fernando City Police, maipagarup a narekobre manipud kadagiti suspek iti dua a sachet a naglaon iti maatap a shabu, buy-bust money, ken ti nagluganan dagitoy a motorsiklo.
Naglibakan met dagiti suspek a kukuada dagiti nakompiskar a droga.
