LA UNION – Arestado iti dua a drug personality a pakaibilangan iti maysa a security guard, iti insayangkat dagiti otoridad a nagsina a buy bust operation ditoy probinsiya ti La Union.
Iti umuna nga operasyon ket naipatungpal iti Barangay Catbangen ditoy syudad ti San Fernando Itay parbangon.
Naka-arestaran daytoy iti managan Arnold Baladad, 39-anyos ken residente ti Barangay San Francisco ditoy syudad.
Nakumpiskar kenkuana iti dua a plastic sachet iti maatap a shabu ken P500 a buy bust money.
Kabayatanna, natiliw met iti kapada nga operasyon idiay San Juan, La Union iti maysa a security guard.
Nabigbig iti suspek a ni Joel Cabanban, addaan asawa, residente ti Barangay Talogtog, San Juan, La Union.
Nakumpiskaran daytoy iti 2 a plastic sachet iti shabu, P500 buy bust money, ken maysa a motorsiklo.
Dagiti dua a suspek ket agpada a naiturong iti custodiya ti pulisiya ken maisag-saganan ti kaso a panaglabsing iti R.A. 9165 a maipila kontra kadagitoy.
