LA UNION – Tinili iti pulisya dagiti dua nga aglaklako iti nabungbongan a lames idiay Barangay Darigayos, ili ti Luna, La Union.
Naammuan ti Bombo Radyo manipud ti Luna Police, dagiti dua a suspek ket maipagarup nga aglaklako iti nabungbongan a lames a ‘palapal’ iti nasao a lugar.
Pinasengkedan met iti fish examiner ti Luna a nakalap dagiti lames babaen iti iligal a wagas kasaruno iti pannakakompiskar kadagitoy.
Kabayatanna, napagmulta dagiti suspek gapu iti panaglabsing dagitoy ti Municipal Fishery Code ti ili.
