LA UNION – Madama nga agpapaimbag idiay ospital dagiti dua a lallaki a nasugatan iti pammaltog kabayatan a nakalugan dagitoy iti maysa a motorsiklo idiay Barangay Magallanes, ili ti Luna, La Union.
Nabigbig dagiti biktima nga isuda Raymar Giron, 36; ken Gilbert Neveras, 21, agpada a residente ti Barangay Cantoria 2 ti nasao nga ili.
Naammuan ti Bombo Radyo manipud iti Luna Police Station, kabayatan nga agkalubbon iti motorsiklo dagiti dua ket sinurot isuda ti saan pay a nabigbig a suspek a nakalugan met laeng ti motorsiklo kasaruno iti pammaltog.
Nasugatan ti takyag ni Giron ken gurong met kenni Neveras.
Iti agdama, saan pay nga ammo ti pulisya iti motibo tti nanggandat iti biag dagiti biktima.
