LA UNION – Dead on arrival idiay ospital ti agkalubbon iti maysa a motorsiklo kalpasan a maaksidente dagitoy idiay kawatiwatan ti Naguilian-Baguio Road idiay Barangay Angin, ili ti Naguilian, La Union.
Nabigbig dagiti biktima nga isuda Joel Abubo Catchero, ti nagmaneho iti motorsiklo, ken ti kalubbonna a ni Christhoper Meana Catchero, agpada a residente ti Barangay Basca iti nasao nga ili.
Base iti imbestigasyon ti Naguilian Police Station, maipagarup a killaat a dimmalapos iti poste ti nasao a lugan.
Natay dagiti biktima gapu iti nakaro a sugat a nilak-am dagitoy iti bukodda a bagi.
