BR LA UNION – Naan-anay nga imbasura ti Kamara iti dua nga impeachment complaint kontra kenni Presidente Ferdinand Marcos Jr.
Babaen ti botos a 284 a pabor, 8 saan a pabor, ken 4 nga abstentions, inadaptar dagiti mammanday linteg iti House Resolution 746 ken inaprubaran ti findings, conclusions, ken rekomendasyon a naglaun ti Committee Report 111 iti House Committee on Justice, nga indaulwan ni Batangas Rep. Gerville Luistro.
Limbes ti bilang manipud iti kasapolan a 1/3 vote kadagiti nasurok 300 a miyembro ti Kamara tapno suportaran ti nasao a committee report.
Iti panagbetla ni Committee on Justice chairperson Rep. Jinky Luistro ken nangisponsor iti rekomendasyon ti komite nga ibasura iti dua a reklamo kabayatan ti plenary session idi kalman, Pebrero 10, impaganetget na a napaneknekan ti justice panel, nga agpada iti De Jesus ken Maza et al. complaints ket “fundamentally insufficient in substance” gaputi pannakapaay a magun-od iti requirement a facts wenno ebidensiya a mangpaneknek iti reklamo.
Tinakderan met ni Mamamayang Liberal Party-list Rep. Leila De Lima ti botos na iti House Committee on Justice a nagbotos a pabor iti pannakaibasura ti impeachment complaint kontra kenni President Ferdinand Marcos Jr. nga indatag ni Atty. Andre de Jesus ngem kinontra na iti pannakaibasura ti reklamo nga indatag da Liza Maza et al.
Impaganetget met ni Act Teachers Party List Representative Antonio Tino iti manifestation na iti kangitingitan ti binnotosan nga adaptaren iti resolution a mangibasura iti impeachment complaints kontra kenni President Ferdinand Marcos Jr.
