LA UNION – Nagsagaba iti nakaru a pannakadun-dunor iti bagi dagiti dua a panadero gaputi pannakai-pullasit dagitoy manipud iti nagluganan da a motorsiklo kalpasan a simmalpok da iti landok a signboard.
Napasamak ti aksidente iti kawatiwatan ti California Ave. Barangay Canaoay, San Fernando City, La Union.
Dead-on-arrival iti Ilocos Training and Regional Medical Center (ITRMC) iti backrider a ni Shirleymel Ancillo, 34, idinto a nasugatan ken agtultuloy a maag-agasan iti nasao met laeng nga ospital iti nagmaneho ti motorsiklo a ni Rogelio Abad Jr. 19-anyos, agpada a tubo ti Barangay Gabu, Laoag City, Ilocos Norte ken agpada nga stay-in workers iti maysa a bakery idiay Central East, Bauang, La Union.
Immuna ti daytoy, na-lost control iti driver a makagapo iti pannakaidungpar da iti napuskol a landok a signboard, naipullasit dagitoy ken nagsagaba iti nakaru a pannakadangran iti bagi.
Agtultuloy met a maob-obserbaran iti kondisyon ti driver.
