LA UNION – Nadun-dunor iti dua a tattao a naka-motorsiklo kalpasan a naidungpar da iti maysa pay a motorsiklo a nakaparada iti ngalay ti kalsada, idiay Barangay Tococ, Sto. Tomas, La Union.
Nabigbig dagiti biktima nga isuda Den Anderson Pedraza, 29, addaan asawa, residente ti Poblacion, Sto Tomas ken backride na a ni Ronald Cuabo, 30, baro, residente ti Barangay Central, Diliman, Quezon City.
Base iti report, dumaldalyasat dagiti biktima iti nasao a paset ti kalsada, agturong iti laud a direksiyon, idi maipagarop a na-lost control dagitoy ket naidungpar da iti nakasardeng a motorsiklo.
Kas resulta, nagsagaba ti pannakadun-dunor dagiti dua ket dagus a naiturong dagitoy iti ospital idiay ili ti Agoo for medical treatment.
