LA UNION – Dead on arrival iti ospital ti dua nga ubbing a lalaki bayat a matamtaming ti maysa pay nga ubing a babai kalpasan a malmes sadiay Aringay River partikular iti Quarry area idi malem kalman
Nabigbig dagiti pimmmusay nga isuda Gerald Ghil Gonzales Mercado, ken Vincent Robert Nisperos, agpada nga pito anyos, ken pupils ti San Simon Elementary School idiay ili ti Aringay, La Union.
Kabayatanna, ti 6-anyos a ni Irish Nisperos a kabsat ni Vincent ket maob-obserbaran ken saan pay a makasao dagiti doktor.
Iti inisyal nga imbestigasyon ti pulisya, naamwan a nagdidigos dagiti tallo kalpasan ti klase da idi kalman ngem napalabas ti maysa nga oras ket nasarakan a tumtumpaw dagiti bagida iti danum.
Naitaray iti ospital dagiti tallo sadiay ili ti Agoo ngem saanen a nasalbar ti biag dagiti dua.
Agtultuloy ita ti imbestigasyon dagiti otoridad iti nadakamat nga insidente.
