LA UNION – Agladladingit ita dagiti nagannak ti agkabsat nga ubing a natay iti uneg ti balayda a nagaburan iti nargaay a daga idiay Barangay San Francisco, ili ti Agoo, La Union.
Nabigbig dagiti bitikma nga isuda Jonh Jonard, 12-anyos; ken Joseph Dalao, 11-anyos.
Sigun kenni C/Ins. Bernabe Oribillo, hepe ti Agoo Police, agarup alas-4:00 itattay parbangon ken nasembeng iti pannaturog ti sibubukel a pamilya idi a magaburan iti daga ti nadakamat a balay a naaramid iti ligth materials ken naipatakder daytoy iti sakkaanan ti turod gapu ti napigsa a tudo.
Nagtitinnulong dagiti agkakaarruba ken ti rescue team iti lokal a gobyerno ti panangkali iti daga tapno isalakan dagiti ubbing, ngem nauyos met laeng ti biagda sakbay a makadanon idiay ospital.
Nagasat met iti nagannak dagiti ubbing gapu ta nakalasat dagitoy.
Gapu iti agtultuloy a panagtudtudo iti nasao a lugar ken nalutneng metten ti daga ken temporaryo a napaakar dagiti sumagmamano a residente sadiay tapno maliklikan a maulit ti insidente.
