BR LA UNION – Inyanunsyo ti Guinness World Records idi Enero 28, 2026 a ni Jude Owens, agtawen ti dua (2), manipud United Kingdom (UK) ket naipaayan ti dua a baro a rekord iti snooker idiay Manchester idi 2025.
Iti edad na a dua, isuna ti kaubingan a lalaki a naka-aramid ti pool bank shot ken kaubingan a lalaki a nakaaramid ti snooker double pot.
Segun iti ama na a ni Luke Owens, naiyanak ti anak na a nalaing iti snooker ken inayat na a dagus ti ay-ayam iti ubing nga edad.
Inartapan ni Jude Owens iti dua a record, ket isuna ita ti maaw-awagan a “youngest person to make a snooker double pot” iti edad a 2 years and 261 days old, ken “youngest person to make a pool bank shot” iti edad a 2 years and 302 days old, segun iti Guinness World Records.
Inladawan met ti Editor-in-Chief ti Guinness World Records a ni Craig Glenday iti ballaygi ni Jude kas “incredibly special” ken impaganetget na a ti record ket silulukat para iti amin, anyaman iti edad.
