Agmaymaysa laeng iti 32-anyos a suspek a nangisayangkat ti pammagsol iti maysa a tren idiay England, kalpasan a napalubusan iti maysa met laeng a lalaki a naarestar gapo ta saan isuna a karaman iti panagatakar.
Segun kadagiti otoridad, saan nga insidente ti terorismo iti pammagsol a nakadangranan dagiti 11 nga indibidual.
Idi kalman, lima kadagiti nasugatan iti nakaruaren manipud ti pagagasan.
Karaman kadagiti agdama a matamtaming ken adda iti kritikal a kondision ket iti maysa a miembro ti train crew a nanggandat a manglapped iti suspek.
“Detectives have reviewed the CCTV from the train and it is clear his actions were nothing short of heroic and undoubtedly saved many people’s lives,” segun kadagiti pulis.
PANANGDUKTAL NO ANYA TI NAPASAMAK SAKBAY TI INSIDENTE
Nakatulong ti Counterterrorism police iti inisial nga imbestigasion kalpasan ti mass stabbing kadagiti pasahero iti maysa a tren idiay eastern England idi Sabado, ngem kenuna ti pulis nga awan ti basaran tapno ibilang iti insidente kas “terorismo”.
Agdama metten a madukduktal dagiti pasamak sakbay ti panagatakar ken iti background ti suspek. Narekobre met iti kutsilyo manipud ti crime scene.
Inladawan dagiti pulis iti agmaymaysa a suspek kas maysa a Black British national manipud Peterborough nga 100 miles (160 km) ti amianan a London, ken naglugan ti tren sadiay.
PANAKA-ARESTAR TI SUSPEK
Naarestar iti suspek babaen ti armado a pulis kalpasan a nangisayangkat ti emergency stop iti tren idiay Huntingdon.
Inawagan daytoy ni Prime Minister Keir Starmer kas maysa a nakaam-ames nga insidente a makapadanag la unay, bayat a ni King Charles ket imbagana a “truly appalled and shocked”.
Maibasar iti interior ministry ti Britain, ngimmato ti 87% dagiti knife crime idiay England ken Wales iti las-ud ti napalabas a dekada. Manipud ti 54,587 offences idi napalabas a tawen, 2% iti ngimmatuan na sipud idi 2023 ken kangatuan ket idiay Europe.
Kenuna ni Interior Minister Shabana Mahmood, maladingitan isuna iti napasamak, ken pinaregta na iti publiko a liklikan ti espekulasion maipapan ti insident.
Tarigagay ti gobierno nga isardeng dagiti sayangguseng nga agwarwaras iti social media, kasaruno ti maysa nga insidente idiay Southport idi 2024 a nagtaudan ti mano nga aldaw a riot kalpasan ti damag iti internet maipanggep ti pangpapatay kadagiti tallo a balasitang.
STATEMENT DAGITI NAKAIMATANG TI KRIMEN
Imbaga ti maysa a saksi a nakalugan ti nasao a tren, adda ti limmabas iti ayan na ket imbaga nga adda ti lalaki a mangbagbagsol ti siasinoman ken aniaman (everyone, everything).
“I put my hand on this chair…and then I look at my hand, and it’s covered in blood. And then I look at the chair, and there’s blood all over the chair. And then I look ahead and there’s blood on all the chairs,” segun ti witness.
Maysa met laeng a nakaimatangiti nangibaga a nakitana ti suspek nga agiwagwagayway ti dakkel a kutsilyo sakbay a tinaser dagiti pulis.###
(Reference: Reuters)
