Naarestar dagiti 425 nga indibidual gapo iti inaramid da a demonstrasion kas panangsuporta iti Palestine Action, kasaruno iti panangban ti gobierno kadakuada kas maysa a terrorist organization idi Hulyo, kalpasan a sinnerek da iti Royal Air Force base ken dinadael dagiti military planes.
Pinapabasol pay ti grupo iti gobierno ti Britain a karaman iti arigna ‘war crimes’ ti Israel idiay Gaza.
Sakbay a naarestar da ket immunan nagballaag dagiti otoridad a matiliw iti siasinoman a mangsuporta iti demonstrasion.
Iti napalpalabas a lawas ket rinibo a supporters ti Palestine Action iti makemkemmeg babaen ti anti-legislation, pakairamanan dagiti nasurok 500 iti las-ud ti maysa a aldaw ken kaaduan kadakuada ket agtawen ti 60 agpangato. Nasurok metten a 100 nga indibidual dagiti nakasuan gapo iti daytoy.
Segun iti Metropolitan Police ti London, sumagmamano kadagiti nakabalud ket gapo iti panangkabil wenno panangdangran kagiti pulis ken panangsuporta iti maysa nga ilegal nga organisasyon.
Iti panangsuporta wenno panakipaset iti naiparit a Palestine Action wenno proscription, pakairamanan ti al-Qaeda ken ISIS ket maibalod ti agingana 14 a tawen.
Kinontra met dagiti human rights groups iti desisyon a pawilan iti grupo agsipudta manglimitar daytoy ti ‘freedom of expression’ dagiti protesters.###
