BR LA UNION – Umabot iti nsurok 5,000 a tattao iti natay kadagiti protesta idiay Iran, kabilang iti nasurok-kumurang a 500 security forces, segun iti maysa a lokal nga opisyal.
Dagiti “terorista ken armado a rinnupak” ti maipagaop a responsable iti pannakatay dagiti inosente nga Iranian.
Segun iti US-based human rights group nga HRANA 3,308 dagiti kumpirmado a natay, bayat a 4,382 a kaso ti maam-amiris ken nasurok 24,000 a tattao iti naaresto.
Adu a residente ken video iti social media ti nangipakita ti naranggas a pananglapped iti pwersa ti estado kadagiti demonstrasyon, kabilang ti direkta a panangpaltog kadagiti agprot-protesta a kaadwan ket agtutubo.
Kangatuan a bilang dagiti natay ket manipud Kurdish region iti amianan-a-laud, nga aktibo dagiti armado a separatist.
Maipalagip a timpuar dagiti tignay protestasa idiay Iran idi Disyembre 28 napalabas a tawen gaputi krisis iti ekonomiya, agingga a limmawa gaputi panawagan a gibusanen ti panangidaulo ti agdama a rehimen.
Iti laksid dagiti tignay iti estado, imbaga ni Supreme Leader Ayatollah Ali Khamenei a saan da na ilumlom ti pagilian iti rinnupak, ngem siniguro na a madusa dagiti responsable iti riribok nga ipab-pabasol ti Supreme leader iti Amerika ken Ukraine nga adda iti likod ti maipagarop a ribu a pammapatay iti nalawa a tignay protesta iti pagilian da.
