BR LA UNION – Impanakkel ni Liliana Villarreal, Artemis II Landing and Recovery Director, a nagbalin a natalged ken sistematiko iti panang‑recover da iti uppat a crew ti Artemis II kalpasan ti ballaygi nga splashdown iti kabaybayan asideg idiay San Diego, California idi Sabado.
Segun kenni Villareal, ti naannad a panagsagana, paulit‑ulit a rehearsals, ken contingency plans iti tulbek tapno masiguro ti naurnos nga operasyon.
Kalpasan ti siyam‑nga‑aldaw a misyon iti aglawlaw ti bulan, natalged a nakasubli da Reid Wiseman, Victor Glover, Christina Koch, ken Jeremy Hansen, a dagus a naipasidong iti medical check-up ken nakumpirma nga adda dagitoy iti nasayaat a salun-at.
Innayon pay ni Villarreal, tarigagay ti nasao nga operasyon a saan laeng a para iti natalged a panangala dagiti crew ngem nairanta pay iti napaspas a panang‑secure ti Orion spacecraft para iti panagamiris ken data collection.
Ti Artemis II ket nakailista ti baro a rekord kas kaadaywan a distansya ti nadanon ti tao manipud lubong, nga immabot ti nasurok 400,000 kilometro, ken nangipaay kadagiti ladawan a naala iti lunar orbit kabilang ti buya nga “Earthset.”
Ti ballygi a recovery ket makitkita a napateng nga addang agturong iti Artemis III, a manamnama a mangiturong kadagiti astronaut iti rabaw ti bulan inton 2028, umuna a gundaway sipud idi 1972.
